சிற்றில்

  சிறுகதை அப்பா வாங்கி தந்த சைக்கிள்  (விருட்சன்) முத்து வரும் வரை என்னால் அந்த இடத்தில் காத்திருக்க முடியவில்லை . ஆனால் சைக்கிள் இல்லாமல் வீட்டிற்கு போனால் அப்பா அத்தனை லேசில் வீட்டிற்குள் விடமாட்டார் . அவன் வரும் வரை அங்கே காத்திருப்பதை தவிர வேறு வழியில்லை. முத்து சைக்கிளை எடுத்துக்கொண்டு எப்படியும் சித்ராவைப் பார்க்கத்தான் போயிருப்பான் . ஆனால் அவனிடம் அதைப் பற்றி கேட்க என்ன இருக்கிறது . சித்ராவும் முத்துவும் பழகியது தெருவுக்கே தெரியும் . ஆனாலும் அவர்களுக்கு இரு வீட்டார் சம்மதத்துடன் கல்யாணம் நடக்கவில்லை . எப்படி நடக்கும் ? முத்து சித்ரா அம்மாவை சித்தி என்று அழைப்பது எல்லாருக்குமே தெரியுமே . சித்ராவை அவன் காதலித்தான் என்பது எங்களில் பல பேருக்கும் அருவருப்பூட்டுவதாகதான்   இருந்தது ஆனாலும் அவனிடம் அதை நேரடியாக யாரும் சொன்னதில்லை . அப்படி சொன்னாலும் முத்து அதைக் காது கொடுத்து கேட்க மாட்டான் என்பதும் எங்கள் எல்லாருக்குமே தெரியும் . ஆனால் அவனாக பல முறை என்னிடம் சொல்லி அழுதிருக்கிறான் . " மாப்ள   எனக்க